|
7590 |
Kaadsi tull´ õks sis ülest kõkõ inne, |
| kosilanõ kuu valul. |
| Näile tõi õks sis viina suu mõskõq, |
| ollõ unõ virotõllaq. |
| Kaadsi läts õks sis tarrõ ne naard´, |
|
7595 |
ambarehe, ai jutto: |
| Kaadsi õks sis hõigas´ suurt hõimo, |
| kosilanõ kull´a hõimo. |
| Inne õks tä and´ lauljille, |
| priske ilo pidäjille. |
|
7600 |
Kaadsi õks and´, eis kadsat´, |
| kosilanõ kuulut´ sõnno: |
| ”Täämbä õks vil tulõ ilopäiv, |
| naasekõisil nal´apäiv, |
| täämbä õks ti käut käpikõlla, |
|
7605 |
täämbä olõt urvikõlla!” |
| Kaadsi and´ õks sis kõõlõ hõimulõ, |
| otsõ nulgast kõik umadsõq. |
| Sis sai õks näil hummal huulõ pääle, |
| kesväleemi keele pääle. |
|
7610 |
Nakas´ õks sis hummal hukutamma, |
| kesväleemi kiputamma. |
| Sis naksiq õks nääq kokko korjamma, |
| umma punga puistamma: |
| sis lasiq õks nääq sato lavva pääle, |
|
7615 |
tuhanit tooli pääle, |
| sis tõivaq õks vil viina vii võrra, |
| tõivaq olut uja võrra. |
| Mito õks nääq korve olut ostiq, |
| mar´a mõtu magusat. |
|
7620 |
Kagoh sis õks vil naaseq nal´atõlliq, |
| ilosahe ilotõlliq! |
| Kolm õks nääq päivä kul´atõlliq, |
| viis päivä veerätelliq: |
| kolka käveq õks nääq piti kul´atõh, |
|
7625 |
viirt piti veeräteh, |
| kõrdsi lätsiq õks nääq mano, poodi mano. |
| Kagoh sai õks sis kolgalõ kõnõldaq, |
| veerele veerätelläq, |
| tugõvahe õks et kul´at Toomõ hõim, |
|
7630 |
kulla häste korgõ hõim. |
| Õga- läts õks sis -üts umma kodo, |
| virve ummilõ velile. |
| Ime pand´ õks sis kotte kostivatska, |
| and pehmet piirakot, |
|
7635 |
Taadsi pand´ õks jal vüü koti suuhtõ, |
| pand´ pareba palmigo. |
| Kõik õks sis jätiq tervest, |
| anniq käe kärmähe: |
| ”Elägeq õks siin paar ilosahe, |
|
7640 |
laulatõduq lahehehe, |
| sis naka õks teid turuh tunnistamma, |
| alõvoh arvamma!” |
| Sis läts õks ar kuust kutsutav, |
| läts hõim hõõlast, |
|
7645 |
liina- lätsiq ka õks -veleq viisi poodi, |
| kudr´ahiusõq kuusi poodi. |
| Sis jäi õks näil pereh peen´okõnõ, |
| kullakõise kolmõkese. |