|
1 |
Eelä mõtle õks ma noid mõttit, |
| tuumatõlli tuumatuise: |
| hummõn naka õks ma Pekot laulmahe, |
| väega kõvva vägimiist, |
| kõvva naka õks jäl setot kõnõlõma, |
|
5
|
innemustist moodotamma. |
| Küll õks tä kullõs suurõh koobah, |
| liiva siseh liigutõllõs. |
| Kui heitsi õks ma õdago magama, |
| Lätsi, Anne, asõmõllõ, |
|
10
|
sis heidi õks ma jala jalotsehe, |
| panni pää pähütsehe, |
| mitu panni õks ma riste pähütsehe, |
| jäti risti jalotsõhe. |
| Esi õks ma ütle ne mõtle, |
|
15
|
kosti sõna kullatsõhe: |
| "Määnest naka õks ma und magamahe, |
| hellä und hingämmä?" |
| Sis jäi õks ma rutto magama, |
| hellä häste hingämä, |
|
20
|
ega sis õks ma kuulõ-s koti pääl, |
| ojahtõllõ-s olge pääl. |
| Säänest õks und ma magase, |
| linnu häste lesätelli: |
| virve olli õks kui viimseh kirstuh, |
|
25
|
parebah paradiisih. |
| Kiä mullõ õks sis ütel´ maatõh, |
| kõnõl´ jutto kõrralist? |
| Peko saat´ õks sis havvast hallõ sõna, |
| koobast kulladsõ jutu, |
|
30
|
Peko õks sis leelot´ librikullõ, |
| Nabra parmulõ pajadi. |
| Librik linnas õks sis õndsa õhu pääle, |
| parm tuulile tougas, |
| parm õks kõnõl´ pakso jutu, |
|
35
|
librik liiaste leelot´. |
| Hingle õks kullõl´ korgõst, |
| sinipilve sisest, |
| pallõl´ õks tä mano parmukõsõ, |
| linnu-hüä võtt´ librigo, |
|
40
|
sis sääd´ õks tä särgi siilo ala, |
| kai uma kangla ala. |
| Määne oll´ õks näil tarrõ tulõminõ, |
| kolmõkeske kudaminõ? |
| Ega tii-s õks nääq ussõ uigahuist, |
|
45
|
pajalavva paugahuist: |
| librik tekk´ õks eis´ olidsõ ussõ, |
| parm lask´ langassitsõ, |
| hingle tekk´ õks jäl siididse silla, |
| katt´ maa kalõvutsõ. |
|
50
|
Umal tull´ õks tä sillal seenitsehe, |
| tull´ tarrõ tassakõtsi. |
| Parm tull´ õks sis mano parebihe, |
| librik kaldo kat´mõ ala, |
| hingle õks jäi jalotsehe, |
|
55
|
kolmõkeske kullatsõhe. |
| Librik õks opas´ lilli laulo, |
| parm sõnno parebit, |
| hingle and´ õks jäl suurt hiitruist, |
| Taivatätä tarkut, |
|
60
|
pääle mullõ õks jäl Jummal joudo and´, |
| Essu ikä kirotõlli. |
| Mullõ õks sis hingle hel´otõlli, |
| pühävaim vallatõlli: |
| "Kuulõ õks sa, ausa Annekõnõ, |
|
65
|
vana Vabarnakõnõ: |
| võit õks sa Pekost illo pitäq, |
| suurõst setost seletellä - |
| eis ka õks sa olõt seto suku, |
| seto suku, Peko jako! |
|
70
|
Oll´ õks taa Peko suurõst suust, |
| kulla nurmõkuninga[s], |
| Peko oll´ õks ka mustõ muudsa herr, |
| innemustõ illos säks, |
| Peko oll´ õks sis kesväkeisrih, |
|
75
|
kallis kaarataarasteh. |
| kulla oll´ õks tä nurmõkubijah, |
| suurõ välä sootskah." |
| Seeni mullõ õks sis hingle hel´otõlli, |
| pühävaimu vallatõlli, |
|
80
|
taiva- lätsi õks kui -kiko kiriväst, |
| pilvekud´u kullatsõst. |
| Taiva- nakas´ õks sis -kiko kirgmähe, |
| kuldakud´u kuukmahe. |
| Umaq naksiq õks kõik kikoq kihisemmä, |
|
85
|
umaq kanaq kahisõmma: |
| sis õks nääq kireq kilõhõhe, |
| kuldahar´aq kumõhõhe. |
| Hingliq naksiq õks sis vällä hel´omahe, |
| pühävaimuq valamahe. |
|
90
|
Mullõ jätiq õks nääq tarrõ tarkusõ, |
| Annele aavedsa, |
| uvvõ heidiq õks nääq laulu orrõ pääle, |
| vahtsõ sõna vaja pääle. |
| Librik pill´ õks jäl laulõ pets´onkahe, |
|
95
|
parm kummut´ konetskahe, |
| librik õks pill´ Peko laula, |
| pand´ Peko palõngit, |
| mullõ heidiq õks nääq kirä hiussihe, |
| lasivaq lagipäähä. |
|
100
|
Lätsiq õks nääq tandseh taivahe, |
| kolmõkeske kul´atõh. |
| Pilliq õks jalgo nääq pikäste, |
| visseq siiba nääq virgastõ, |
| lintsiq õks nääq tunnil tuhanit, |
|
105
|
minotil mito sata. |
| Parm õks piire Peko mano, |
| librik linnas´ liiva poolõ, |
| parm lätsi õks sis kuupa kul´atõh, |
| illo piteh Peko mano. |
|
110
|
Sääl õks sis parm pall´o laul´, |
| pikä jutu õks tä Pekolõ kõnõli. |
| Hall nakas´ õks sis miis haigutama, |
| riste-räste ringutamma, |
| eis õks tä haigut´, haari sõnna, |
|
115
|
visas´ jutto vigurist. |
| Sedä õks sis ütel´ pikk Peko, |
| väega kõva vägimiis: |
| "Mino naatas õks sis nimme nimitsemmä, |
| kirä pääle kirotamma, |
|
120
|
suvi saasõ õks sis tõõsõsugumanõ, |
| kevväi tõõsõ keeroline, |
| küll ma naka õks sis kesve kergütämmä, |
| havvast viljä vinnütämmä, |
| küll ma anna õks siist lämmind, viska vihma, |
|
125
|
kingi sooja suvõkõist! |
| Sis saavaq õks naaq kesväq keerolitseq, |
| kaaraq mitmõkandilitseq, |
| kesvä- saavaq õks sis -pääq kui kindaq, |
| kaarateräq kui kapudaq!" |
|
130
|
Nabra lask´ õks sis villu Vinnemaalt, |
| julgõ Jorosk jutto ai. |
| Vilu juusk´ õks sis mi vislapuuhtõ, |
| tull´ kumu mi kodo. |
| Sis õks ma hillä heräse, |
|
135
|
kuuli uma koti pääl, |
| sis õks ma mõtli mõttit, |
| tuumatõlli tuumatuise. |
| Sis, Anne, õks ma latsilõ ütli, |
| kanasillõ kadsatõlli: |
|
140
|
"Latsõq, jooskõq õks ti ussõ kaemahe, |
| vällä tsõõrilõ morolõ! |
| Miä õks ma täämbä unõht näi, |
| kua kuuli koti pääl? |
| Nabra juusk´ õks taa vilu vislapuuhtõ, |
|
145
|
Peko usk uibihe, |
| tuu õks küll minno üles ai, |
| kulla vilu ülest kuts´. |
| Teele jovva-i õks no kõik kõnõlda, |
| umal keelel keerätellä, |
|
150
|
miä mullõ õks no üüse kõnõldi, |
| unõvuudil opati! |
| Suurõ tulliq õks Peko kõik sulasõq, |
| käveq Peko käskjalaq, |
| Peko käsiq õks nääq nimme nimitselläq, |
|
155
|
käsiq rakoq raamatohe, |
| kittäq käsiq õks nääq sedä keväjät, |
| laultaq suurt suvõkõist! |
| Kui õks nääq käsiq, nii tii, |
| kui opsiq, nii olõ." |
|
160
|
Sis elle õks ma päävä, kai kats, |
| kulla elle õks ma mõnõ kuukõsõ. |
| Sis õks ma oodi umma und, |
| kai üü kavaluist - |
| inne tohi-s õks viil kirjä kirotõlla, |
|
165
|
tohi-s rakoq raamatohe. |
| Uni oll´ õks õigõ kui päiv, |
| kulusap kui kuu puul, |
| miil oll´ õks sis kullus kui kuld, |
| süä hõhas´ kui hõpõ. |
|
170
|
Jälke õks taa Peko üüse ütel´, |
| vägimiis veerätelli: |
| "Võit õks sa, Anne, jutto aiaq, |
| loohvkapa luulõtõlla - |
| ega sullõ õks ma üüse petä-i, |
|
175
|
võlsi-i mar´a maatõh! |
| Mino laulaq õks sa tarka tammõnuia, |
| kitäq suurt kiijorat!" |