| |
Kagoh õks naid veere veerüsit, |
| |
üle kolga korgit – |
|
2325 |
kar´a- naate õks jäl –poissa kaemahe, |
| or´alatse ots´mahe. |
| Sada sais´ õks kõõ hobõst saina küleh, |
| tuhat ratsot tulba veereh, |
| kõik õks naaq täkuq tännitiväq, |
|
2330 |
kalle ratsoq kaabatõlliq. |
| Olõ- õks kõik –katusõq kahisiq, |
| ruu-sainaq rabisivaq |
| suurõ õks hiiro hirnakist, |
| paadi jalapanõkist. |
|
2335 |
Tarõ olli õks sääl täüs tarko miihi, |
| rihetarõ rikkit poissa – |
| kõik õks ka tahtsõq hüvvä last, |
| ausat poissi ahnitsivaq, |
| Ale oll´ õks et oigõ usuga, |
|
2340 |
piso pehme viiega. |
| Usu-õks-list otsitas, |
| viielist viidäs. |
| Ale istõ õks sis maalõ ikmahe, |
| jäi kurva kull´a poiss. |
|
2345 |
Kuts´ õks sis kull´a maamakõist, |
| hõigas´ hellä imekeist: |
| “No tiiä-i õks mul kuige tetäq, |
| umal kuige ollaq! |
| Ime-õks-sa-kene, esäkene, |
|
2350 |
kats latsõkasvatajat, |
| minnä taha-i õks imp mino meelekene, |
| süä oidoq or´alisest! |
| Õga taha-i õks imp süä hüvvi süüke, |
| meeli maitsaq makõt liimt – |
|
2355 |
innep koori õks ma kotoh kuruslakko, |
| süü siin sibulit! |
| Ar olõ õks ma nännö nuuq pääväq, |
| osi, söönü or´aleevä – |
| innep kaku õks ma ese kannukõisi, |
|
2360 |
kiso tätä kivikeise, |
| hüvvä saasõ õks kui kandso kannu alt, |
| kinnä leibä kivi alt.” |
| Kauplõjaq õks sis jäiväq kahtlatsõst, |
| Ale viijäq vihasivaq. |
|
2365 |
Tõõnõ- õks nääq –tõõsõlõ kõnõliq, |
| tõõnõtõõsõlt küüsütelliq: |
| “Tarka jovva-i õks imp viiäq s´oost tarõst, |
| ausat Alet mi arvada – |
| õga ihka-i õks imp Ale Eesti rahha, |
|
2370 |
olõ-i maias marko pääle!” |
| Õga- läts õks nääq –üts umma paika, |
| targaq meheq Ale tarõst |
| Kui tull´ õks taa suur suvõkõnõ, |
| kinä päiv keväjäne, |
|
2375 |
kui tandsõ õks sis tati-aokõnõ, |
| naksiq seeneq sibisemmä, |
| Ale õks sis imele ütel´, |
| maamalõ manitsõlli: |
| “No kua õks ma tatikorvikõsõ, |
|
2380 |
mähi seenemärsikese!” |
| Ale oll´ õks sis tark, tundsõ mõtsa, |
| rutto juusk´ juurtõ perrä, |
| tõi õks sis kodo juurõkerä, |
| juurõvahruq vanijallõ. |
|
2385 |
Ale mähke õks vakka, lask´ vallu, |
| kudi korve, lask´ kummu. |
| Ime õks jal esega kõnõliq, |
| maama tätäga manidsiq: |
| “Kohe lätt õks meil kull´a pujakõnõ, |
|
2390 |
mi armas Alekõnõ? |
| Vaesil olõ-i meil umma varikot, |
| kah´oliisil kallist mõtsa, |
| koh õks taa kasus kanarik, |
| sais tatisamblakõnõ – |
|
2395 |
suurõq möime õks mi puuq puuda pääle, |
| liidi palgiq leevä pääle.” |
| Ale õks kuuld´, vasta kostõ, |
| tahtsõ targastõ kõnõldaq: |
| “Oodaq õks sa, ime, hummogot, |
|
2400 |
pääs´o päävä nõsõngot!” |
| Ale tekk´ õks kõõ varra valmest, |
| inne ako ehitelli. |
| Minga olõ-s õks täl jalgo kinni panda, |
| jalatallo taatõlla: |
|
2405 |
panda taha-s õks tä koolikotakõise, |
| kallit klassi-kaputit. |
| Seeni õks jo Ale mõtsah oll´, |
| oll´ poiss puhmu all, |
| külä- olliq õks vil –vele küle pääl, |
|
2410 |
rikkaq poisiq ringutõlliq, |
| seeni oll´ õks jo korv täl kuh´aga, |
| mitu puuta porovikko. |
| Seeni nõst´ õks jo kodo, eis´ nõdsoh, |
| tubli korv tur´a pääl. |
|
2415 |
Vasta tull´ õks jo kümme külävelja, |
| nelli-viis näiokõist. |
| Kõik haariq õks nääq Alelt küüsütellä, |
| küüsütellä, nõvvatõlla: |
| “Kost õks sa tõit, ausa Ale, |
|
2420 |
kullus koolipoisikõnõ? |
| Kas tohtsõt õks sa tuvvaq muidõ mõtsast, |
| kor´ada külä kunnust?” |
| Ale õks naari, esi ütel´, |
| vikur vell´o veerätelli: |
|
2425 |
“Õga õks ti lövvä-i mino jälge, |
| tunnõ-i kundsa kotusit!” |
| Ale õks sis, vikur, veerätelli, |
| kavval poiss kadsat´ vasta: |
| “Ma korsse õks küll palja palo päält, |
|
2430 |
võti musta mulla päält.” |
| Kiäke saa-s õks arvo timä jutust, |
| arvo Ale aavetsist. |
| Ale vei õks sis kodo ime kätte, |
| kand´ majja maamalõ. |
|
2435 |
Ale õks sis ime naaraskõlli, |
| muudsa maama muhaskõlli. |
| Ime sis naari, esi ütel´, |
| and´ avvo Alelõ: |
| “Kost tõidõq õks no, kull´a pujakõnõ, |
|
2440 |
kannit, kallis latsõkõnõ? |
| Siist saasõ õks no varra vaesõllõ, |
| kullalõ kooliraha.” |
| Ime pand´ õks sis aho küttümma, |
| rutto turbaq tossumma. |
|
2445 |
Alekõnõ õks jal joostõh mõtsa läts, |
| karõldõh laandõ kaldo. |
| Poisikõnõ õks sis istõ puhmu ala, |
| kai kadaja all, |
| kuna õks ar muuq kodo lätsiq, |
|
2450 |
tatilisõq tarõ poolõ. |
| Muidõ õks kõik korviq kolisivaq, |
| muidõ vakaq vabisivaq. |
| Ale jäi õks muidõ hot´ jälile, |
| astõ tõistõ asõmõllõ - |
|
2455 |
olli õks tuu Ale loonatark, |
| loonatark, veere vikur, |
| mõitsõ õks tä kävvöq käpikõlla, |
| mõistsõ otseq upikõlla – |
| kaabat´ õks tä vällä kanarikust, |
|
2460 |
sallõ sambla veere alt. |
| Kalleq kasveq õks kõik tatiq kanarikuh, |
| saiapoolõq samblõ all, |
| Ale kaabat´ õks vällä kui kaaledsaq, |
| puru seest puhtaq seeneq. |
|
2465 |
Ale oll´ õks kõõ kuri korjamma, |
| tikõ paiko tiidmähe. |
| Ale õks jal kulla kodo tull´, |
| ilotõh ime mano. |
| Ime jovva-s õks kotoh joht kuivada, |
|
2470 |
armas maama ahjo panda. |
| Alel olliq õks kõik kuumaq jalakundsaq, |
| jalatallaq tahmatõduq, |
| kõik olliq õks ar nõglola tsusidoq, |
| varbavaehtõq vallu näiväq. |
|
2475 |
Imekene õks sis tuhal tossutõlli, |
| lipõ-leemel leotõlli. |
| Esi õks tä lausi meelestäni, |
| uma meele poolõstani: |
| “A,,gu saasõ õks sul hädä häälmelle, |
|
2480 |
viga vihalehesselle? |
| Ale, läät õks sis kuule kupõr-kapõr, |
| nakat kepil kiirdmähe, |
| sis saasõ õks sul kepp kinä hopõn, |
| nui nopõ ruunakõnõ!“ |
|
2485 |
Lipõ võtt´ õks ar kuuma jalakundsõst, |
| valu varba vaihõlt – |
| jälke sai õks tä lipõl liinamiis, |
| tuhaleemel turupoiss. |
| Ale õks sis lausi meelestäni, |
|
2490 |
uma meele poolõstani: |
| “Küll kanna õks ma mõtsast kallist rahha, |
| puhmu alt puhast rahha. |
| Selle õks ma lää-s külä karja, |
| oiu-s muidõ or´alitsõst.” |
|
2495 |
Ale õks tiidse tati aigo, |
| poiss seene sirgnõmist: |
| Ale õks sis kor´as´ mitu puuta, |
| sai sada naglakõist. |
| Vei õks sis müügist müürü pääle, |
|
2500 |
kaubast kaalulavva pääle. |
| Ale sai sis pall´o paprit, |
| ilosat Eesti raha. |
| Sis ost´ õks tä sälgä sinisärgi, |
| maani massanäolitsõ, |
|
2505 |
Ale tõi õks sis koste imele, |
| kallist saia kandjallõ: |
| imele vei õks tä hoolõ pidämäst, |
| arma aho kütmäst. |
| Külä-õks-tä-kooli lõpõtõlli, |
|
2510 |
valla klassi kallutõlli. |
| Tälle sai õks sis tukõv tunnistus, |
| kõkõ muudsap moodopapõr. |
| Ale tull´ õks sis kodo, torrõ miis, |
| ime mano illos poiss. |
|
2515 |
Tunnistuist õks tä näüdäs tuhandõllõ, |
| nobõhit nuumrit. |
| Esi õks tä lugi, esi ütel´, |
| kallehe kadsatõlli: |
| “No tiiä-i õks mul kuige tetäq, |
|
2520 |
vell´ol kuige veerätelläq – |
| kooli- käsi õks mul –herr kuule minnäq, |
| suurdõ klasse kalduda! |
| No tulõ-i mul uni maatõh, |
| suiko suuri mõtõldõh. |
|
2525 |
Imekene õks helläkene, |
| pääle tähe tätäkene, |
| suur tulõ õks kulu mi kodolõ, |
| rahamasso mi majalõ, |
| sis lääväq õks teil rukka ruu-huunõq, |
|
2530 |
sainaq otsane satasõq!” |