| |
Taadsi õks tuud esse ne imme, |
|
9820 |
kattõ kaiho-vanõbat! |
| Näide käveq õks jo kodo kõik kubijäq, |
| käveq tarrõ kõik taarasteq, |
| näile õks jo mõõka tirgutõdi, |
| kaalarauda raputõdi: |
|
9825 |
kopseq lasta-s õks imp umma koto piti, |
| marsseq umma maija piti - |
| kodo oll´ õks jo müüd kogonest, |
| ese maja igäväst. |
| Tuulalõ õks kui viidi tuu sõna, |
|
9830 |
kulla koolu-jutukõnõ: |
| ”Tütär om õks sul ojja uppunu, |
| silla päält sisse lannö, |
| timmä om õks et veenü suur vesi, |
| lainõ lakk´a laotanu; |
|
9835 |
Taadsi karas´ õks suurõ vuu sisse, |
| karas´ valgõ vatu sisse, |
| vuukõnõ õks vei ne vuhahti, |
| vatt timmä vandsutõlli, |
| õga tiiä-i õks imp kotust, kohe otse, |
|
9840 |
tiiä-i asõnd mano astoq!”, |
| imekene õks sis haigõst haarõte, |
| ese tõppõ tõmmate. |
| Haigõst jäiväq õks nääq süämehaigusõl, |
| koti pääle õks jäiq süäme kurbusõl. |
|
9845 |
Ime kuule õks ar kolmõ päävä peräst, |
| ese viidi õks jal viie päävä peräst - |
| suurõl kuuliq õks nääq süämekurbusõl, |
| hauda lätsiq õks nääq meelehaigusõl. |
| Kaadsi õks jal esse helläkeist, |
|
9850 |
vanna Tuumõ tugõvat - |
| tuud aete ka õks vällä umast tarõst, |
| käste marss´ma umast majast! |
| Tuum pand´ õks vil ette kats hobõst, |
| veerät´ kats verevät, |
|
9855 |
miä jäiväq õks vil Kaadsil müümäldä, |
| joodikõl juumalda. |
| Esi õks tä ikk´ minneneni, |
| kahitsõlli kaldunna: |
| ”Minnäq tihka-i õks no tütärde mano, |
|
9860 |
tõistõ poigõ poolõ.” |
| Koh oll´ õks tä päävä, oll´ tõõsõ, |
| esi õks tä lausi meelestäni, |
| meelest, meele poolõstani: |
| ”Sedä ka õks ütel´ sada suud, |
|
9865 |
kümme kiilt keerätelli, |
| halva elläq õks kui puja jalotseh, |
| hüä väü pähütseh. |
| Innep veerä õks ma uma vere mano, |
| oiu liina ugla mano!” |
|
9870 |
Sis läts õks Tuum puja poolõ, |
| kaldo uma kana mano. |
| Ese jovva-s õks imp ohto üldäq, |
| umma kaiho kaibada. |
| Poig õks sis esele ütel´, |
|
9875 |
papalõ pajatõlli: |
| ”Sullõ õks no paras, papakõnõ, |
| taad vaja, vana miiss! |
| Tuud peide õks sa Kaadsit kallepast, |
| poiga kõkõ puhtapast, |
|
9880 |
et olli õks tä tark kõnõlõmma, |
| virk sõnno viskamma. |
| Tälle naksiq õks kui kirjo kirotamma, |
| maja kaartõ kallutamma, |
| meele võinuq ka õks sa kirjä kirotõlla, |
|
9885 |
tiidäq andaq armillõ! |
| Tuu oll´ õks sul hirm hiussõh, |
| pelg peenü palgõh, |
| et lääme õks mi ossa ots´mahe, |
| papalt jako pallõmma! |
|
9890 |
Hot´ om õks meil liinah leib kallis, |
| soolanõ suupala - |
| palakõist õks mi sööme, tõist saamõ, |
| kolmandat korjellõ - |
| siske laula õks mi uma lavva man, |
|
9895 |
piäme illo pingi pääl! |
| Salvõq olliq õks sul tävveq saiaterri, |
| kotiq kulatskejauhõ, |
| süä sattõ õks sul uma salvõ mano, |
| miil kuive kottõ mano.” |
|
9900 |
Pujakõnõ õks vil irve esekeist, |
| vanna papat pahandõlli: |
| ”Kohe jäi õks sul kuku pujakõnõ, |
| sino kallis Kaadsikõnõ? |
| Agu jäi õks tä kakkoq kaarnillõ, |
|
9905 |
hiuss vasseq varõsillõ - |
| kulda täl õks sääl hiussit kohendasõq, |
| vahalatva vandsutasõq? |
| Hüäst sai õks sul pujast hüä palk, |
| ausast latsõst hüä annõ. |
|
9910 |
Ese, võinuq õks sa kooldõh kirotada, |
| haigusõl karvõndõlla - |
| kõik võinuq õks su hinge ülendellä, |
| maama nimme manitsõlla! |
| Vara läts õks kui tuul taiva pääle, |
|
9915 |
sau mõtsa sattõ, |
| liinalõ õks küll sai leelotõlla, |
| alõvollõ as´atõlla. |
| Ese, olõq õks no iä mu man, |
| kaihomeelel kambrõh - |
|
9920 |
pilgat hoia õks ma poig peräkõrra, |
| vihat lats viimäst kõ,,,rda! |
| Hot´ mullõ õks sa anna-s umma jako, |
| umma varra vaotõllõ-s, |
| pääsö, hoia õks ma sinno umal pääl, |
|
9925 |
kitä papat kirä-tüül. |
| Kirä- minno õks sa -mehest kinnütit, |
| kulla häste koolitit - |
| küll piä õks ma kõrda esest, |
| mammast kõrda magusat. |
|
9930 |
Ese, võidõq õks siin elläq uma iä, |
| Tuum ollaq tooli pääl- |
| õga olõ-i õks siin liinah ikäv elo, |
| kasvatajal kammõlik!” |
| Ale õks tuud imme helläkeist, |
|
9935 |
timä tätät tähekeist! |
| Sai õks sis kuuldaq üle kolga, |
| üle veere veid´okõsõ, |
| tuuhtõ viidi õks et tarrõ tark poig, |
| ullimajja uhkõ Ale, |
|
9940 |
sis õks ka laul´ laisk ese, |
| videlik veerätelli: |
| ”Kõik saivaq õks no kätte mu sõnaq, |
| ese sõnaq ilmuvaq: |
| no läts õks mul hukka hoiet poig, |
|
9945 |
üts lats üle käe! |
| Ime, oodit õks sa kodo umma poiga, |
| kait kodo kallist last, |
| nuur om õks et naane käeperäh, |
| rahakarp kangla all.” |
|
9950 |
Imekene õks sis ikk´, esi ütel´, |
| vaot´ sõnno vana naane: |
| ”Alelõ õks ma saadi sada sõnna, |
| toukse tuhat tervüt. |
| Tälle õks ma sandilt sõna saadi, |
|
9955 |
tuulõlt saadi õks ma tuhat tervüt, |
| pääle saadi õks jal sault mito sõnna.” |
| Ese õks sis ütel´: “Muido tark, |
| om kavval mu Kat´o - |
| ma õks ka, ull´, arvo saa, |
|
9960 |
turak teeda toolko võta - |
| sant jovva-i õks joht sõnaga saataq, |
| ilma- tiiä-i õks joht -koto kotikandja! |
| Alel oll´ õks vaest kuul mito koto, |
| aastakal mito asõnd? |
|
9965 |
Tuul läts õks ar ruugo robisõmma, |
| sau merde sattõ, |
| selle jäide õks sa ilma umast pujast, |
| armõdo umast Alest. |
| Innep lasknoq õks sa kel kirotõlla, |
|
9970 |
annoq tiidäq telefonil, |
| kuah om õks et liinah sääne poiss, |
| alõvoh sääne Ale - |
| agu tulno õks sis kunage kodo, |
| ese majja madalahe? |
|
9975 |
Minno ütliq õks sa, naane, rõipõst, |
| vanna Virgest videlikust - |
| no elät õks sa iä rõipõ majah, |
| laisa mehe lavva takah: |
| Alel jäi õks no maja tegemäldä, |
|
9980 |
illos tarõ ehitämäldä.” |
| Imekene õks sis ikk´ ilma-väega, |
| kado-väega kahitsõlli: |
| ”Leevä- panõ õks no -koorõ kotikohe, |
| leeväkandsu karmanehe. |
|
9985 |
Hot´ sinnä õks ma saa santeh, |
| lää kulla kor´atõh - |
| agu otsi õks ma, ime, tuu liina, |
| otsi vällä ulli-tarõ, |
| nätä saasiq õks vil timä näokõist, |
|
9990 |
hellä Ale hiusõkõist!” |
| Esekene õks jal lausi meelestäni: |
| ”Sa koolõt õks ar minneh, |
| kor´atõh, maama, maalõ satat. |
| Õga inäp õks sa ullist arvo saa-i, |
|
9995 |
turakost toolko võta-i, |
| sinost olõ-i õks taa ulli sütütäjät, |
| rumala rohitsõjat - |
| eiske ommaq õks kõik targaq tuuh tarõh, |
| ulli hoitjaq huuneh. |
|
10000 |
Mi õks vil ooda mõnõ ao, |
| kulla mõnõ kuukõsõ, |
| määne meele õks küll kodo sõna tulõ, |
| kaihosõna kasterahe. |
| Kui jouda-i õks imp ulle sütütellä, |
|
10005 |
tullu andaq turakallõ, |
| (naaq teiväq õks vaest ilma tütrikuq, |
| mõtõldoq mõrs´akõsõq), |
| sis kutsu õks mi kokko umadsõq, |
| aja rinda ristilatsõq, |
|
10010 |
sis noilõ õks mi jätä uma jao, |
| uma osa oiutõllõ: |
| risti- õks mi -latsilõ kiroda, |
| oiutõllõ umatsillõ.” |
| Ese õks jal lausi meelestäni, |
|
10015 |
uma meele poolõstani: |
| ”Seeni olõ õks ma eis´ peremiis, |
| vaesõ vara vahtjani, |
| koni om õks mul õigus hindä man, |
| tervüs tõõsõla käelä! |
|
10020 |
Miä meele õks no sai umast pujast, |
| sai kaiho kanasõst? |
| Võõrit ka õks nakat pelgämmä, |
| umatsit uhatamma!” |
| Ime õks jal ikula kõnõli, |
|
10025 |
silmäviil veerätelli: |
| ”Ma tohi-i õks imp midäge üldäq, |
| kulla kuige kõnõlda - |
| mullõ saivaq õks jo kätte valgõq vadsaq, |
| kätte pehmeq piiragoq! |
|
10030 |
Neil jäi õks no vadsol vaakumahe, |
| piirakil pidsisemmä - |
| illos pand´ õks meid Ale ikmahe, |
| kallis hiuss kahitsõmma.” |
| S´oo oll´ õks taa ausa Ale laul, |
|
10035 |
kavala Kaadsi sõnaq. |