| 1 |
Kagos minno õks no Jummal jõvvutõlõq, |
| armas Essu avitõllõq, |
| jovvudaq õks jal joutsa jälile, |
| tegijidõ tii pääle! |
| Essut kutsu õks ma saisma sälä taadõ, |
|
5 |
hingle, annaq hiitruist |
| vastast jälke õks mul laulo laaditõlla, |
| tõista illo ehitellä! |
| Olõs saasiq õks mul illos ilokõnõ, |
| paha-laadna laulukõnõ, |
|
10 |
hüä saasõ õks sis mullõ ne muilõ, |
| illos õgalõ-ütele! |
| Selle naksi õks jal laulo laulmahe, |
| tõist illo ehitammä: |
| ammu olõ-s õks joht tuu aokõnõ, |
|
15 |
tulihüä tunnikõnõ, |
| sis tull´ õks mul Tartost tuu sõna, |
| Imäkeelest illos jutt: |
| Peko ülti õks jal illo ilosast, |
| Peko laulo lahehest. |
|
20 |
Sääl kullõl´ õks sis tuvi tulba pääl, |
| piho peräpaja all, |
| tuvi õks kullõl´ tuud jutto, |
| piho peräh-kõnõlõmist. |
| Õga sori-s õks tuud laulo suurõq säksaq, |
|
25 |
imändäq õks joht panõ-s immest, |
| kõik soovõq õks naaq laulo suurõq säksaq, |
| imändäq õks kõik ütliq: “Illos om!” |
| Tuvikõnõ õks kullõl´ tuu jutu, |
| imändide ehtsä q sõna q, |
|
30 |
jutukõsõ õks kõik puistas´ pudsajihe, |
| nobõ sõnaq noki otsa, |
| sis nakas´ õks tä Tonn´a tulõmahe, |
| laulja poolõ laskmahe. |
| Tuvi õks sis siiba siputõlli, |
|
35 |
umma handa hargutõlli, |
| karas´ õks sis üles kallehe, |
| õhu pääle õndsahe, |
| kõik õks sis siiboq sibisiväq, |
| tuvi sulõq tudisivaq |
|
40 |
Ton´a õks poolõ tullõnõni, |
| põh´a poolõ põrotõh. |
| Kiä õks sis vasta putunõssõ, |
| putunõssõ, johtunõssõ? |
| Lintseq õks naaq haheq Har´omaalõ, |
|
45 |
luigaq lummõ pagõsivaq. |
| Hani õks sis ütel´ hiitrahe, |
| luigakõnõ loofkahe: |
| “Kohe õks sa isit, illos lind, |
| kohe toukat, torrõ tsirk?” |
|
50 |
Tuvi õks ütel´ tuu sõna, |
| kats-kolm kallutõlli: |
| “Olõ-i õks mul aigo kõnõlda, |
| linnu pääl leelotõlla – |
| vii õks ma Tonn´a tuu sõna, |
|
55 |
Annelõ armujutu, |
| Ton´ah käse õks jal lauldaq tugõvahe, |
| linnu-höste leelotõlla.” |
| Kurg õks sis naard´ kumõhõhõ, |
| luik naard´ loofkahe. |
|
60 |
Tuvi õks sis, torrõ tsirgukõnõ, |
| paha-kahhar kaalakõnõ – |
| astõ õks tä siiä inne ako, |
| vali varra hummogol, |
| mino õks sis kruute koputõlli, |
|
65 |
aknaraame raputõlli. |
| Koput´ õks kruute, kuts´ üles, |
| arot´ laulo akna all. |
| Sis joosi õks mi ussõ kaemahe, |
| vällä tsõõrilõ morolõ. |
|
70 |
Esi õks mi lastõga kõnõli, |
| peime nõvvo perrega: |
| “Nägü- õks no –nesse, kuulunõssõ, |
| nätäq saa õks no nädäle peräst, |
| kaiaq katõ päävä peräst, |
|
75 |
miä õks no meele saanõnõssõ, |
| kua kulla ollõnõssõ!” |
| Tuvi linnas´ õks sis uibo ossa pääle, |
| vislapuu veere pääle, |
| tuvi laul´ õks sis uiboh torõhõhõ, |
|
80 |
vislapuuh veerüsähe. |
| Sis õks ma as´ast arvo sai, |
| laulik tundsõ tuvi jutto. |
| Taiva- tahtvaq õks kõik linnuq leelotõlla, |
| pilvekulliq kul´atõlla. |
|
85 |
Nätäq sai õks sis nädäle peräst, |
| kaiaq katõ päävä peräst – |
| sis õks ma kuuli kuvvõlt puult, |
| veid´okõtsi viielt puult, |
| minno oll´ õks et lehte lüüd, |
|
90 |
ajalehte arotõt, |
| lehte oll´ õks küll lüüd lilli muudo, |
| ajalehte armahe. |
| Kagoh oll´ õks sis minol miil hüä, |
| miil hüä, kiil kerge! |
|
95 |
Tuud õks ma latsilõ lauli, |
| kanasillõ kadsatõlli: |
| “No saa õks ma laadna laulmahe, |
| priske illo pidämähe, |
| kui liigus õks vil linnu keelekene, |
|
100 |
maigus mar´a meelekene. |
| Tuust om õks mul vika veid´okõsõ, |
| raisko raasa võrrakõsõ – |
| esi olõ-i õks mul hüvvä tervüt, |
| olõ-i ello ilosat, |
|
105 |
kuum õks mul käse-i kul´atõlla, |
| liiä haigus leelotõlla. |
| Kiil õks vil ütel´: “Minq keerädäq!”, |
| miil ütel´: “Mineq laulaq! |
| Veegu-i liiva vigurit, |
|
110 |
veegu-i kalmu kallit laula, |
| saadaq õks vil leelo liino piti, |
| targaq lauluq Tartohe – |
| kul´atõlla õks sis saasõ kunigillõ, |
| herrile hel´otõlla! |
|
115 |
Sis õks nääq minno mälehtäseq, |
| mino nimme nimitseseq.” |
| Selle ka õks ma taha laulo laultaq, |
| inemine ilotõlla: |
| mullõ õks vil toona miilde tull´, |
|
120 |
ime jutt juundõ läts, |
| mullõ õks kui ütel´ imekene, |
| maamakõnõ manitsõlli: |
| “Peläku-i õks, mu latsõq, laulõh, |
| imekanaq ilotõh – |
|
125 |
laulu õks teid läbi laidõta-i, |
| sõnno läbi sõimata-i! |
| Kuulkõq õks, mu kull´a latsõkõsõq, |
| mino meelimar´akõsõq! |
| Kui ti õks küll kuat kurja kangast, |
|
130 |
tiide tikõt langakõist, |
| tuu pelgäs õks sis kangas kadõhuist, |
| illos kangas imehüist, |
| rõivas saa-i õks sis illos kui iä, |
| tasanõ kui talvõtii – |
|
135 |
langa sis õks teid läbi laidõtas, |
| sõrmi läbi sõimatas. |
| Rõõndõkõist õks ti teku-i rõivallõ, |
| lipivahet linatsõllõ! |
| Kuulõq õks, mu kull´a tütrekene, |
|
140 |
selge silmäteräkene, |
| tiiq õks sa langa, lüüq laulo, |
| kuaq kangast, lasõq kummu! |
| Essu õks kui iske ilmakõist, |
| Maarja valmist´ maakõist, |
|
145 |
Essu istõ õks sis ilma veere pääle, |
| kulla kuu poolõ pääle, |
| kätte võtt´ õks sis kulladsõ kandlõ, |
| viirde hõpõdsõ viiole, |
| kor´as´ õks tä küle, keerät´ laula, |
|
150 |
mänge kannõld, kallut´ sõnna. |
| Saiq õks nuuq kinäq kiigalauluq, |
| veerüsäq viiole sõnaq, |
| kandlõ saivaq õks vil lauluq kallepaq, |
| muido sõnaq muudsapaq, |
|
155 |
kuninga- tekk´ õks tä -laulu kumõhõpa, |
| keisre laulu kimmäpä, |
| kõigilõ õks tä saat´ kõrdapiti, |
| mõnõlõ mõistuist piti. |
| Selle õks ma pelgä-i laulõh, |
|
160 |
pelgä-i illo piteneni: |
| Essu õks mul kinke keelekese, |
| minolõ meelekese – |
| laula õks ma sääntsit, märgi määntsit! |