| |
Tõõsõq õks jo latsõq koolih käveq, |
| |
virvekeseq viirdüväq, |
| |
nimäq käveq õks jo nädäle otsani, |
|
2040 |
viis päivä veerätelliq. |
| Ime ai õks jo Alelõ jutto, |
| kõnõl´ jutto kõrralist: |
| “No jääde õks sa perrä, mu lats, |
| kavvõndõhõ, kallis poig. |
|
2045 |
Ale-õks-sa-kõnõ, pujakõnõ, |
| mino kallis kanakõnõ, |
| rassõ saasõ õks sul järge oppeq, |
| jäiäq tõistõ jälge pääle!” |
| Ale õks sis kuts´ kuku maamast, |
|
2050 |
kai kallest imekesest: |
| “Ime, võku-i õks sa hirmo hiussõhõ, |
| pelgü peen´o palgõhõ! |
| Las ku käu õks ma päävä, kallu kats, |
| jälke opi õks ma järge, lää ette, |
|
2055 |
tõõsõq kanaq kaotõllõ.” |
| Ime õks sis ütel´: “Hüä poig, |
| kull´a kuku latsõkõnõ!” |
| Inne õks joht Ale kuule lää-s, |
| kui õks tä liina liit´, |
|
2060 |
kui astõ alõvohe – |
| Ale ost´ õks sis jalga hüäq saapaq, |
| kundsaq muista korgõpaq. |
| Läts õks tä kuule, ai jalga, |
| sirot´ saapaq sirgõhõ. |
|
2065 |
Ime tekk´ õks jal villo virgastõ, |
| maama kinäste kedras´. |
| Ime tekk´ õks sis pujalõ pindsago, |
| musta rõiva muudsahe. |
| Ime kudi õks sis kangast, kodo kumas´, |
|
2070 |
sainaq savidsõq värisiq. |
| Uhkõhõ nääq ummõlda lasivaq |
| koolipoisi kuubõkõist. |
| Vahtsõq saivaq õks sis rõivaq valmest, |
| uvvõq rõivaq orrõ pääle, |
|
2075 |
Ale ai õks sis sälgä, sai illos, |
| olgõ pääle – uhkõ poiss. |
| Ale visas´ õks sis viisoq virro-harro, |
| ai tsuvvaq asunulka. |
| Esi õks tä visas´ne veeräde, |
|
2080 |
virot´ viisa, veerät´ sõnno: |
| “Tsuvvaq inäp õks mul tsoksi-i, viisoq viksi-i, |
| õga päivi silmäq tsilgu-i! |
| Silmäq saavaq õks mul muista selgepäq, |
| kulla kõrvaq kumõhõpaq, |
|
2085 |
et saa õks ma rikka rinna pääle, |
| uhkidõ otsa pääle. |
| No saisa-i õks imp muidõ sälä takah, |
| olõ-i muidõ olgõ nõal - |
| pindsak õks ütel´: olõq pikk!, |
|
2090 |
saapaq ütliq: saisaq höste!” |
| Ime õks jal lausi meelestäni, |
| uma meele poolõstani: |
| “Ale-õks-sa-kõnõ, pujakõnõ, |
| kallis kar´alatsõkõnõ, |
|
2095 |
mul olõ-s õks meeleh tuud küüsüq, |
| sinolt uureq or´a ello – |
| kar´a- nakaq õks sa -ello kaibamma, |
| kiräpõlvõ keerätämmä! |
| Agu om õks sul olga uttunu, |
|
2100 |
om pihta pitsünü |
| kapsta-õks-sul-lehti kandõh, |
| kotil kodo tuvvõnõni; |
| agu ommaq õks sul pitsünüq peopesäq, |
| sõrmõkundiq kuumast lännöq |
|
2105 |
tseetskaga õks tsakõnõni, |
| ravvariistal rakonõni?” |
| Ale õks sis lausi meelestäni, |
| meelest, meele poolõstani: |
| “Sullõ naka-i õks ma kõkkõ kõnõlõmma, |
|
2110 |
kandjallõ kaibamma – |
| ma õks küll ütle: hüä oll´, |
| palgavõtjal parep oll´! |
| Kurja taha-i õks ma saata kolka piti, |
| vihasuist viirt piti, |
|
2115 |
kolk mullõ õks joht anna-i kotitäüt, |
| vald mõõda-i vakatäüt. |
| Eiske saat õks sa arvo, imekene, |
| imekene, esekene – |
| kar´a- võidõ õks sa –ello kavatsõlla, |
|
2120 |
mitond kiirdo miilde panda.” |
| Ale õks sis lausi meelestäni, |
| uma meele poolõstani: |
| “Ime-õks-sa-kene helläkene, |
| kull´a kodomaamakõnõ! |
|
2125 |
Sedä õks ja ütel´ vanasõna, |
| ütliq innedse eläjäq: |
| küll om ka õks hüäh rassõ ollaq, |
| kannahtaja kats näge.” |
| Ime õks lausi meelestäni, |
|
2130 |
memme meele poolõstani: |
| “Sullõ panõ õks ma sanna küttümmä, |
| turbaq ahjo toetõllõ. |
| Hot´ õks meil olõ-i sannapuid, |
| kõivohalga kõrraliise, |
|
2135 |
turbil saasõ ka õks hüä tossukõnõ, |
| perve mättil pehme lõõna. |
| Tossul tii õks su piha pehmest, |
| olaluuq oigõst.” |
| Ale õks sis ütel´: “Kütäq, ime, |
|
2140 |
astuq alla, armas ime!” |
| Koni õks ime sanna kütt´, |
| maama vihto vetütelli, |
| seni õks ka Ale aida sääd´, |
| saibapaarõ sisse pand´. |
|
2145 |
Käveq õks nääq sannah, veereq vihah, |
| tuu lõunõ lõpõtõlliq. |
| Tulliq õks nääq kodo, tandsõq tarrõ, |
| heitseq õks nääq, mar´aq, magamahe, |
| hellä unda hingämmä. |
|
2150 |
Kõõ õks nääq üü kõnõlivaq, |
| valgõni vallatõlliq. |
| Ale õks kõõ kaibas´ kar´a-ello, |
| or´apõlvõ oholist – |
| iki õks mar´a imekene, |
|
2155 |
nuutskõ tähe tätäkene. |
| Ale õks sis kaibas´, karist´ imme, |
| kuts´ kull´a maamakõist, |
| pallõl´ õks esse ne imme, |
| kallist kattõ vanõbat: |
|
2160 |
“Kui ma õks ar hummõn kuule lää, |
| kanakõnõ sinnä kallu, |
| ime, mingu-i õks sa küllä kõnõlõmma, |
| kandja, muilõ kaibamma! |
| Külä õks sis ütles: “Tsih, tsih, |
|
2165 |
taad sullõ tarbest!” |
| Ime, ütlet õks kui külä üte sõna, |
| kats-kolm kadsatõllõt, |
| külä tege õks küll mano kümme sõnna, |
| sääd mano säidse sõnna. |
|
2170 |
Kümnest saasõ õks küll sõnast puul küllä, |
| säitsmest sõnast säidsekümmend – |
| minno naatas õks sis koolih irv´mähe, |
| tii pääl teotamma, |
| üts olli õks et poig ütsäst, |
|
2175 |
käsikannõl katsast, |
| tuuge ante õks ar võõra veerele, |
| kana, muidõ kaalalõ. |
| Innep panõ õks ar kur´aq konetskallõ, |
| poonitusõq poolkallõ, |
|
2180 |
kur´akõsõ õks mi lasõ laat´ka ala, |
| saada savipaa sisse: |
| “Siin võidõq õks sa kuukoq, kuri miis, |
| turri poiss tõrrõ all!” |
| Küll ma õks eis´ tiiä, kui ma ütle, |
|
2185 |
vigurihe veerätelle, |
| taas- näile õks ma –peri taatõlõ, |
| iisperi ilotõlõ, |
| pahe- näile õks ma –poodi pajatõllõ, |
| vastupäädi vallatõllõ! |
|
2190 |
Õga sis õks nääq as´ast arvo saa-i, |
| or´apõlvõst ossa võta-i! |
| Sis saa-i õks ma irveq, illos poiss, |
| Virkse sugu veerätellä, |
| veerä- saa-i õks ma –tellä, keerätellä, |
|
2195 |
ilotõlla, nal´atõlla!” |
| Alel oll´ õks küll hüä jutukõnõ, |
| vesseläq viguritsõq. |
| Ime õks sis ütel´: küll om õigõ!, |
| tätä ütel´: küll om tähtsä! |
|
2200 |
Ese õks jal lausi meelestäni, |
| kohka tätä kor´as´ sõnno: |
| “Kagoh õks meil om tark poig, |
| tark poig, kavval kana! |
| Muna lätt õks no kanast targõbast, |
|
2205 |
sulge seeh suurõbast – |
| nii ka õks no om mi Ale, |
| om kavval kanakõnõ.” |
| Ime õks sis lausi meelestäni, |
| memme meele poolõstani: |
|
2210 |
“Jääme õks ar, poig, magamahe, |
| hellä unda hingämmä! |
| Hummõn vaja õks om varra üles tullaq, |
| aiksahe üles astoq: |
| kokko tulõ õks sul otseq kooli kraame, |
|
2215 |
paigast võtta, pakke panda!” |
| Mar´aq õks sis und magasivaq, |
| linnuq und lebäsiväq. |
| Ale-õks-sis-kõist, pujakõist, |
| kallist kar´apoisikõist – |
|
2220 |
kar´a- olli õks vil -hirm hiussõh, |
| or´a kari kaala pääl. |
| Ale õks varra üles tull´, |
| inne päivä pää sugõ. |
| Õga küsü-s õks imp rahha ese käest. |
|
2225 |
Esel olnu-s õks ka kostke anda, |
| vaesõl mehel vaotõlla – |
| esel olliq õks kõik pungah puukoorõq, |
| karmaneh kalõq lastuq, |
| minga olõ-s õks tuvvaq tubakot, |
|
2230 |
minga kaiaq piibukraame. |
| Ale õks sis lausi meelestäni, |
| uma meele poolõstani: |
| “Sullõ õks ma tuu suurõ paki, |
| sino majja suurõ matsu, |
|
2235 |
sullõ osta õks ma uma rahaga, |
| paki kar´a-ma-palgaga.” |
| Kagoh oll´ õks sis esel hüä miil, |
| lahe laadna meelekene – |
| süämekene õks sis tahtsõ tands´ma minnä, |
|
2240 |
piip ütel´: “Piäq illo!” |
| Sis õks ar Ale kuule läts, |
| kanakõnõ kotost kaldo. |
| Ese taha-s õks süvvä tuul pääväl, |
| tätä laskõq lavva mano: |
|
2245 |
õga lää-s õks täl süük süämehe, |
| vao-s juuk varbehe, |
| süä õks täl tuksõ tubakot, |
| meeli mõtõl´ mõrro leibä. |
| Süä olli õks jo halvaga harino, |
|
2250 |
paganaga paakunu. |
| Õga püsü-s õks ese aho pääl, |
| laisk tätä lammõ-s maalõ – |
| sai õks tä vällä sada kõrd, |
| lei tiiro tii pääl. |
|
2255 |
Esi õks tä laul´ tubakot, |
| tuud leibä leelotõlli: |
| “Leelo õks no, leelo, leibä tuvvas, |
| kulla hüvvä kostikõist!” |
| Ime õks jal kuuld´, kost´ vasta, |
|
2260 |
tahtsõ targastõ kõnõldaq: |
| “Täämbä om õks ka virk mu miis, |
| om terräv mu teeda – |
| täämbä tälle õks et tuvvas Tiio leibä, |
| Tiio leibä, Kur´a koste, |
|
2265 |
midä süüt õks sa suu mõskmalda, |
| poiss, poolõ üü aigo. |
| Kuri lasõ-i õks sul ollaq koti pääl, |
| kihotus keressel – |
| kõõ tuhnõq õks sa üüse tuhkhauda, |
|
2270 |
hütsi seest seletelliq |
| patu õks leibä palotõlla, |
| halva toito har´otõlla.” |
| Õga õks joht salli-s hüä naane, |
| kannahtõllõ-s Kat´okõnõ. |
|
2275 |
Ese näkk´ õks kui Alet tulõvat, |
| mõtsa veereh viir´vät, |
| ese õks sis hinnäst hel´otõlli, |
| kohka tätä kohendõlli. |
| Miil olli õks sis kimmäs kui kikas, |
|
2280 |
süä kallis kui kana. |
| Ale tull´ õks sis targastõ tarrõ, |
| hillä hellä huunõhõ, |
| lätsi õks sis hillä ese mano, |
| tassakõtsi taadõ mano, |
|
2285 |
koste and´ õks tä kull´alõ tätäle, |
| tubakot toetõlli. |
| Esel sai õks sis hüä meelekene, |
| sai kerge keelekene, |
| ese and´ õks sis mito ait´ummat, |
|
2290 |
pakso passiba pand´, |
| Alelõ õks küll and´ armu iist, |
| kulla hüä kosti iist: |
| “Alet õks mul kull´a pujakõist, |
| umma kallist kanakõist!” |
|
2295 |
Ale käve küll koolih, sai kullus, |
| käve klassih, oll´ kallis. |
| Ale kasve õks sis üles kui kanep, |
| tõsse üles kui tõu-lill. |
| Tõõnõ oll´ õks täl talv kooli kävvöq, |
|
2300 |
tõõnõ laud laaditõlla. |
| Tull´ õks kodo tä õdago, |
| häldö kodo hämäräl, |
| vaesõl olõ-s õks tuld valusat, |
| kulla kuplelambikõist, |
|
2305 |
vaesõl saisi õks kõõ pilak peränulgah, |
| pirruharo hambeh. |
| Tuu õks oll´ kurva kuple, |
| kurva kuple, vaestõ lamp: |
| ime õks palot´ pirrukõise, |
|
2310 |
Ale lugi aavetsit. |
| Mustaq lätsiq õks täl puukvaq muudsahe, |
| koolinumreq nobõhõhõ. |
| Ale keerät´ õks koolih keväjäni, |
| käve suurõne suvõne. |
|
2315 |
Mõistsõ õks tä mõnõst parebehe, |
| katõstkümnest kalleppa: |
| Ale olliq õks kõõ kiräq kimmäpäq, |
| olliq numreq nobõhõpaq. |
| Jälke laste õks sis kodo koolikõnõ, |
|
2320 |
laste lakja latsõkõsõq. |
| Ale õks ausa kodo astõ, |
| kullus tull´ kor´usõhõ. |