| |
Sis tull´ õks täl mito otsjat, |
| |
tarrõ pall´o tahtjit. |
| |
Imel oll´ õks hot´ hallõ andõh, |
| |
ütte kanna kallutõh, |
|
1935 |
mitte saa-s õks tä midägi tetäq, |
| kulla, kohegi minnäq: |
| Ale õks astõ, ime and´, |
| tahtsõ kaldoq, maama kaubõl´. |
| Alet õks kõõ ihkseq eesti meheq, |
|
1940 |
tahtsõq targaq talopujaq, |
| Eesti tahtsõq ka õks meheq ilosat, |
| Eesti veleq veernat. |
| Ime õks sis kaubõl´ ilosa hinna, |
| tätä kaubõl´ parra palga. |
|
1945 |
Ale oll´ õks küll vikur, küsse villo, |
| kulla kar´akotikõist, |
| kaubõl´ õks leibä ne lihha, |
| poiss pudrusuurmit: |
| “Ma taha ka õks koolikuubakõist, |
|
1950 |
perüs hüvvä pindsakot – |
| minnä taha-i õks imp särgil valgõl, |
| rätsähünü räbikol. |
| Edimält õks ma käve ilotohe, |
| kaldo kuule kakõnohe.” |
|
1955 |
Kaupleq õks nii, kui Ale ütel´, |
| mineja miilt piti. |
| Marsõ õks sis Ale maa poolõ, |
| läts targalõ talolõ. |
| Kats olli õks sääl lauta karja täüs, |
|
1960 |
kolmas laut Kullõsit, |
| mito olli õks näil lauta lambit, |
| mito sulgo suure tsiko. |
| Ale käve õks kõõ kar´ah kallehe, |
| hoit´ orja oigõhõ. |
|
1965 |
Eesti ütli õks sis rahvas: “Illos lats!”, |
| eesti poisiq: “Illos poiss!” |
| Alet aia-s õks ülest mitond vuure, |
| kattõ-kolmõ kallutada-s. |
| Perüs oll´ ka õks hüä pernaane, |
|
1970 |
oigõ or´a hoitjani, |
| Alet uigu-s õks üles üle ussõ, |
| saada-s sõnna sagaralt – |
| Ale läts õks tä mano madaluistõ, |
| or´alõ oigõhõ, |
|
1975 |
ütel´õks tä sõna, kadsat´ kats, |
| kost´ kull´a pujakõist. |
| Kar´a- tull´ õks sis -lats kallehe, |
| or´ahoitja oigõ: |
| Ale käsk´ õks ar unõ uikmahe, |
|
1980 |
magahusõ marss´mahe, |
| hüä kuts´ õks usu tä olõlõ, |
| hüä viie hindä viirde. |
| Or´al om õks küll vaja hüvvä usko, |
| kar´alatsõl kallist viit. |
|
1985 |
Alel oll´ õks küll usk üle külä, |
| oll´ viis üle veere, |
| eesti laul´ õks tä kar´ah ilosahe, |
| Eesti poolõh puul´-höste. |
| Kagoh timmä õks nääq kitiq kimmähe, |
|
1990 |
armahe avvustõlliq: |
| “Meil olõ-i õks vil olnu säänest kar´ust, |
| uhkõt or´a hoitjat – |
| kagoh sündö õks mi tä söögele, |
| leppö mi tä leeväle!” |
|
1995 |
Höste oll´ õks sis Ale or´apääväq, |
| kallehe kar´a-aoq. |
| Kui nakas´ õks jal süküs tulõmahe, |
| nakas´ talv tahtmahe, |
| sis läts õks jal kokko koolikõnõ, |
|
2000 |
kaldo kokko klassikõnõ. |
| Alet tuude õks sis kodo tugõvahe, |
| kar´alast kallehe: |
| tälle maste õks sis palk parebehe, |
| kaubõld raha kallehe. |
|
2005 |
Oo õks tuud pikkä peremiist, |
| kulla korgõt krundi miist – |
| Alelõ õks vil keere kingitüisi, |
| and´ kätte armuraha. |
| Esi õks tä and´, esi ütel´, |
|
2010 |
Piitre and´, pekko pand´: |
| “Sullõ anna õks ma ruuna süüt´mäst, |
| hobõsõ hoitmast – |
| kõõ teit õks sa rokka ruunalõ, |
| tõit vett verevälle! |
|
2015 |
Õga vala-s õks sa rokka ruhe ala, |
| molli ala moodotõllõ-s, |
| roka teit õks sa ruihtõ rohkõhõ, |
| teit molde muudsahe, |
| hopõn sai õks kõõ rohkõ su rokal, |
|
2020 |
vessel´ sino viikesel, |
| hopõn lei õks kõõ mängo mäe pääl, |
| ratso karõl´ kaldõh.” |
| Katre tõi õks jal tälle kaputit, |
| Liiso kinke kindit. |
|
2025 |
Sis ante õks küll velele villo, |
| perüs pindsago kraame. |
| Alet tuude õks sis kodo ilosahe, |
| umma majja mar´a-höste. |
| Kagoh sai õks sis memmel miil hüä, |
|
2030 |
miil hüä, kiil kerge: |
| “Jälke tull´ õks mul muna moro pääle, |
| tull´ asi akna ette! |
| Õga tahtu-s õks mul munna muilõ jättäq, |
| ubinat unõhtõlla – |
|
2035 |
Alet oodi õks jo õdago ilda, |
| vahe hummogo varra.” |