Жавронканят, кулемасть,
Сяда курок няемасть!
Сяда курок лиеда,
Тундань лямбе тиеда.
Тялось мяленьконь ни мольфтсь,
Сон кшиняньконь ни порсь.
Тялонь щамоньке ни каладсть,
Тейнть седиеньке таладсть.
Жавронканят, сей лиеда,
Тяза пизот тиеда.
Ламонь алнят нарвада.
Ламонь лефкскат касфтода.



Жавронканят кулемасть,
Осал шида ваномасть!
Андыенть вача пеконьконь,
Щаенть галош .лангоньконь.
Аф якаенди пильге якамнят,
Аф корхтаенди - валнят-кяльнят,
Аф ниянди - няеманят,
Аф кулиенди - кулеманят,
Сярядиенди - шумбрашинят.
Жавронканят, кулемасть,
Сяда курок няемасть!
Минь вага тярдядязь,
Лата пряса учтядязь,
Кшиса-салса васьфттядязь,
Пара валса лемтядязь.
Меки тяза лийкстада,
Лата прязонк валгода.
Ярхцамбяльхнень синнесаськ.
Тейнть сивомс каннесаськ,
Пеконянте топодест,
Тутманянте касондост.