ШОПАЧА, м., ЧОПАЧА, э. – кулоф ломанть призракоц; Шяйтан, картина, фотографическяй изображения. Паасоненонь валксса – кукувонь лаца нармонь, кона лиенди илять. Кда Ч. аф тиихть жертва, то сон арай сембе вастова якай призракокс. Повериять коряс, Ч. сашенды удомста (онцта), помондама шитнень. Преданиятнень коряс чопачатне призрак лаца существат, конат няфнесазь эсь пряснон ломанень образса. Синь налхконкшнесть стирьхнень мархта, но мзярдовок афолезь няфне эсь копорьснон (ашельхть копорьсна) и сяс сембе потмось няевсь. Ч. арсельхть тувокс, тяльмокс. Синь кельгсазь весельять, рьвяяма-максома илатнень, лац кштихть.

Бугурусланскяй уездса Ч. лувондсазь кода эряй, стане и кулоф ломанть призраконц. Мзярда конацка мирдть-рьвять эзда ламос аш или конацка эздост пяк пичеди, то Ч. кармай сонь мучендамонза. Ч. лисенди ломанть вастонц ваксса, калтыи стенатненди, цападьсы удыть пильгта и усксы кияксть лангс. Штоба панемс Ч., ломанть крганцты, конань мельге панцесь Ч., повфнесть пинень и тувонь макса пакшкя и пенгянь содня, конань мархта пиделезь тувоть. Тяка пингть колдунць азоль мормацяма, коса корхтаволь сянь колга, што Ч. киньге эзда аф пели, сон киндивок аф шавови. Панемс и сувафтомс сонь наксада ундти машты аньцек ёню атясь, кона эряй оцю ведть потмаксса, эень кудса.

Азондоматнень коряс, штоба афоль са меки кулоф шабать призракоц тя шити, кой-коста тядятне кулома тодуть алу путольхть сюрхцемня и корхтальхть тя пингть: фкя ширеса море, омбоцеса – шяйнал.

Кой-кона васттнень эса, штоба кудса афоль иляда кулофть Ч., лазкснень сявомста (ловажать мархта) вачкоделезь вастонц, коса сон ащесь, васенда узерьса, сяльде – пеельса. Тянкса Симбирскяй губернияса кулофть вастонц почерялезь кулуса и сяльде пезфтальхть пеель.

Кулоф ломанть Ч. маштоль арамс толкс, стямс лазксста толонь образса, штоба шокшемс эряйхнень верснон и тяфтане синь кулофтомс. Кулоф ломанть, кода арьсесть, можна эреклафтомс, чертиндамок сонь ловажанц равжа вазнянь верса. Повериять коряс, кяжи Ч. можна юмафтомс, кда сонь ловажанцты тонгомс шарыень спица, кона ульсь сисем кизот фкя крандазса.

Лит.: Harva U. Die religiosen Vorstellungen der Mordwinen. Helsinki, 1952.