КАЛМАЛАНГА, м., КАЛМОКУЧА, м., КАЛМОМАР, м., КАЛМОЛАНГО, э. – васта, коза калмоселезь кулоф ломаттнень. Пяк сире калмотненди мярьгольхть мар. Инголи, языческяй пингть, К. ульсть марстонь (лама велетнень фкя). Синь ульсть оцю вирьса, коза сашендсть кой-коста ётамок 70–100 вайгяльбе. Тя пяк стакаль ётамс, сяс мес вастти вирьге ульсь аф тёждя молемс.

XVIII в. К. тиенделезь вярьге васттнень эса. Эрь юрть ульсь эсь вастоц К. Васенце К. калмафти мярьгольхть "калмонь кирди", м., "калмонь прявт", э., "калмонь покш", э., "калмонь ушеды", м.

Мокшэрзятнень ёткса ванфтовсть арьсемат Калмазоравать и Калмазоратять колга, конат ванолезь К. Повериять коряс, синь вастсна К. ортатнень ваксса.

К. лувондсазь священнай вастокс, тянь инкса улихть лама сюцемат, аф мярьгомат: лядемс тише, кочкамс нормальхть; аф простиндама грехокс лувондоволь шуфтонь керомась К., калмамс кулоф ломаттнень К. аф эсь куломасост (винати, эсь прянь шавихнень). Синь калмоселезь велеть эзда сяда ичкози, сяс мес верондасть, што шоподемать самста эсь прянь шавихне маштольхть стямс и ювадезь эвфтемс ломаттнень, тиемс кодамога аф цебярь.

К. сашендсть озондома коське кизоста, сярядемста, мезсь, кода арьсесть, ульсь сяс, мес кулофсь аф пяк цебярьста арьсесь ломанть колга. Озондомста васенда анасть прощения Калмазоравать кядьста, сяльде анальхть лездома. Озондсть и васенце калмафти К. Кой-коста сяряди шабать кадолезь веньберьф К.

Штоба кучемс ломанти сярядема, седиень пичедема, ведуттне тевс нолдалезь модать, конань сяволезь К.

Роштуваста, Очижиста К. сашендольхть стирьхне, од аватне гададондама (марямать вельде) урожайть, погодать, семьянь эряфть колга (ванк: Гададондама).

Лит.: УПТМН. Т. 7. ч. I. Эрзянские причитания-плачи. Саранск, 1972; Т. 7. ч. 2. Мокшанские причитания. Саранск, 1979; Harva U. Die religiosen Vorstellungen der Mordwinen. Helsinki, 1952.