EMIS JA HUNT


Vanast üüse ol'l tsia' väläh. Tsiku üüse selle1 peetä-s2 kotoh, olõ-s midägi anda. Üü ol'l väläh ar', hummogult mutku hurrutõdi3 kodo. Tsia ol'l väläh, ku hummogult hurrudi õnnõ urr-urr-urr-urr-urr-urr-urrr, sis tsia' joosi' võiki4 kodo.
Üte üüse ol'l ka' üts imis5 põrsidõga' mõtsah. Tiiä-i, mis põrsa naksi rogisamma6 ja tuud kuul'd vanasusi. Soel ol'l ka' kõtt tühi ja mõtõl, vaest saa kui7 üte põrsa ar' pettä. Susi tul'l imise mano ja naas8 laulma:
"Tsungi-tsungi9, immokõnõ10,
lungi-lungi, kõrvakõnõ,
nilbi-nälbi, nännäkõnõ11,
höörü-höörü, hannakõnõ12!
Immo, anna mullõ üts pujakõnõ13!"
"Laula vil!"
"Tsungi-tsungi, immokõnõ,
lungi-lungi, kõrvakõnõ,
nilbi-nälbi, nännäkõnõ,
höörü-höörü, hannakõnõ!
Immo, anna mullõ üts pujakõnõ!"
"Laula vil!"
"Tsungi-tsungi, immokõnõ,
lungi-lungi, kõrvakõnõ,
nilbi-nälbi, nännäkõnõ,
höörü-höörü, hannakõnõ!
Immo, anna mullõ üts pujakõnõ!"
"Laula seenkoni14 kündle köstritõga15 tulõva'."
Susi laul, laul, kunagi' kündle köstritõga tulõ-i. Imis jäl selle ütelgi nii, õt kündle köstritõga tulõ-i pia. Imisel ol'l õks umma poiga hallõ16, kuas17 sa no annatõ'. Kuvvagi18 tahtu-i anda'. Kooni kündle köstritõga tulõva, seeni urrutõdas jo' ammuki tsia kodo. Susi laul, laul, ei kunagi tulõ-i; aolda'19 õks küsse ka': "Kas pia tulõva' jo'?"
Imis muudku ütel: "Laula, laula, ku sa nii ull20 olt!"
Susi vil kõrra aigu21 laul, ku jo' ol'l kuulta' läbi hummogu: "Urr-urr-urr-urr!" Tsia' lätsi' kõik kodo ja susi jäigi' ilma põrsalda'.


.:SÕNASELETUSED:.

1 sellepärast;
2 ei peetud;
3 urr-urr häälitsedes sigu koju kutsuma;
4 (üksteise) võidu;
5 emis;
6 hakkasid ruigama (?);
7 kuidagi;
8 hakkas;
9 songi, tuhni;
10 immo, immokõnõ - emis (meelitavalt);
11 nisakene;
12 sabakene;
13 pojakene;
14 seni kui;
15 köstrid küünaldega;
16 pojast kahju;
17 missuguse;
18 ühtegi;
19 aeg-ajalt;
20 rumal;
21 natuke aega


.:INDEX:.

ERA II 286, 422/4 Setu, Meremäe v., V.-Serga k. - N. Koplimägi < Matroona Koplimägi (1940). - AaTh 122 C - 11 t.
Levinud Kirde- ja Kagu-Eestis. Liitub mt-ga 47 B, 122 A ja 122 M*.