3. Neiu õhtul.

SL 1053.
H II 32, 872 (13) < Räpina khlk. - S.Keerd (1890).

Õtak tulõ, vilu veerüs,
pimme kodo pettemäie,
hämmär kodo häälitsemmä.
Ega lääq ma pimme petteh,
hämäriku häälitsedeh -
mul tulõ perrä hellä vel´o
hobõsilla ütesillä.

SL 1054.
EKS 8° 3, 374 (15) < Räpina, Toosikatsi k. - Joh. Hurt (1876).

Hummoguta - ämmäkuta,
õdaguta - umma immä!
Hummok ai latsõq hulgumaie,
lõõna latsõq lõngumahe,
õdak latsõq kodo kutsi,
pimme kodo petäskeli,
hämmär kodo häälitseli.
Ega lääq õdagu kutsuh,
lää-i pimme petteh,
hämärägi hääliteh!
Tulli perrä hellä veli
hobõsõlla ütsällä,
kabijalla katõsalla:
"Istuq sisse, siidisõsar,
pääle, päivä pääs´okõnõ -
kotoh ootvaq kolmõq kosjaq,
velisih sul viieq viinaq!"
"Velekene noorõkõnõ,
võtaq kuuku kua lävelt,
haaraq tapits tarõ lävelt,
saadaq kotost kolmõq kosjaq,
velisista viieq viinaq!
Lasõq olla os´akõsõl,
kasvaq kallil kabokõsõl:
os´a osa alalõ,
kabo kaasa kasumanna!"