36, Ait´umma jesändälle.(Pärast jootusid).

SL 905.
ÕES, Stein nr. 33 ja H II 62, 681 (33) < Setumaa - V.Stein (e.a. 1872).

Olgõ terve, noori jesänd!
Anniq meil viina villänd juvva,
ollut ilma ostmalda,
mõtu ilma mõõtmalda,
saksa taari tahtmalda!
Saie meil viina villänd juvva,
saie mi viinast vesseläq,
ollõst saie mi usinaq.
Selle mi nalja naljatõlli,
linikpääq mi [leelotõlli].
Olgõ terve, noori jesänd!
Sedä es mõtlõq meelekene,
tiiä-s hellä hingekene,
et s´ooho tarrõ sai tantsimahe,
lae ala laulõmahe,
siiä sai illo pidämä,
rõõmukõrda kandõma.
Olgõ terve, noori jesänd!
Anniq viina villänd juvva.
Selle mi teie trille-tralla:
olõ mi viinast vesseläq,
olõ mi ollõst usinaq.
Täämbä mi teime trilla-tralla,
hummõn mi teeme uija-aija -
täämbä terve, et viina anti,
hummõn mi oihkih olila.