| |
Kaadsi läts õks vil kulla esekodo, |
| |
tukõv herr Toomõ poolõ. |
| |
Sis Kaadsi õks vil Taadsilõ tandsõ, |
| |
nõna all as´atõlli - |
|
9515 |
Kaadsil oll´ õks sis häpü kasinahe, |
| ilodo imest-esest, |
| Kaadsi tihka-s õks päivä pessäq, |
| päävä valul vallu andaq. |
| Tuud Kaadsi õks sis Taadsilõ laul´, |
|
9520 |
provvalõ poonitõlli: |
| ”Tugõva õks no möi Tuula maja, |
| härbäni häötelli - |
| jälke lää õks ma liina leotamma, |
| suurdõ puute puistamma!” |
|
9525 |
Sis Kaadsi õks küll Taadsilõ ütel´, |
| noorikõllõ noorutõlli: |
| ”Kui tahat õks sa, Taadsi, liina tullaq, |
| astoq suurdõ alõvohe, |
| sääl võimõ õks mi ostaq poolõ puute, |
|
9530 |
kaemõ suurõ kaubamüügi - |
| õga taha-i õks mi tetäq talotüüd, |
| mar´aq pitäq suurt maad! |
| Kõkkõ olõ-i õks vil rahha ma raisano, |
| pannoq kõiki paprit, |
|
9535 |
viländ saasõ õks vil päävästä lukõq, |
| pall´ost aost pakke pandaq.” |
| Taadsikõnõ õks küll ehe ne ikk´, |
| kaihomeelel kabistõlli: |
| ”Minnäq tulõ õks no mehe miilt piti, |
|
9540 |
kävvöq kasa käsko piti!” |
| Läts õks sis Kaadsi minemähe, |
| Taadsi takah tulõmahe. |
| Sis õks nääq lätsiq tükü tiid, |
| palakõsõ pall´o maad, |
|
9545 |
liinakõnõ õks jo nakas´ läükmähe, |
| valgõq kupaq valõtamma. |
| Sala- olli õks sääl -kõrts tii veereh, |
| ante ollut altkäe. |
| Tunt õks ka olli tuuh kõrdsih, |
|
9550 |
saisi salaviina man. |
| Kaadsi õks sis Taadsilõ ütel´, |
| puhk´ jutto provvalõ: |
| ”Saisaq õks sa, Taadsi, tarõ kõrval, |
| mineq, noorik, nulga taadõ - |
|
9555 |
ma lää õks sisse, tuu saia, |
| noorikõllõ nopõt koste! |
| Sis õks sul meelüs meelekene, |
| sütüs süämekene.” |
| Kaldo õks sis sisse kavval Kaadsi, |
|
9560 |
johto kõrtse suur joodik. |
| Taadsilõ linnas´ õks sis mano tsirgukõnõ, |
| tull hüä hähnekene. |
| Tsagi õks puud´, esi laul´, |
| tekk´ mulko, tiirat´ laulo. |
|
9565 |
Olliq õks tsirgul leinälauluq, |
| ilosal ikusõnaq: |
| ”Varste nakas õks no peio pess´mähe, |
| kasa karri andmahe!” |
| Taadsikõnõ õks joht mõista-s tsirgu kiilt, |
|
9570 |
tsirgu kiilt, lõivo miilt. |
| Hamõh õks küll säläh täl habisi, |
| siidirõivaq sibisiväq |
| umma õks pelgö peläteh, |
| suurõl hirmul hibisiväq. |
|
9575 |
Kaadsi võtt´ õks sis kõrdsist kõvva viina, |
| haard´ perüs piiretüist, |
| and´ õks tä rahha lugõmalda, |
| Kaadsi pääle-kaemalda. |
| Nuur juusk´ õks sis miiss nulga taadõ, |
|
9580 |
astõ tõõsõ aia taadõ, |
| koh õks taa näe-s Taadsikõnõ, |
| näe-s puhas provvakõnõ. |
| Kuri juusk´ õks sis takah kummutamma, |
| klaasiperrä pitsitämmä. |
|
9585 |
Tunt´ and´ õks jo tulidsõ meele, |
| pakan paksoba süäme - |
| Kaadsi läts õks sis rutto Taadsi mano, |
| uma puhta provva mano. |
| Kaadsi õks sis lausi meelestäni, |
|
9590 |
meelest, meele poolõstani: |
| ”Ma õks vaest kavva seeh olli, |
| viidi aigo veid´okõsõ? |
| Naate õks sääl saia küdsämähe, |
| pekrenaaseq pekütelliq - |
|
9595 |
taha-s õks ma ostaq kuionuisi, |
| sullõ haardaq hallitõtto! |
| No lääme õks, mu naane, minemähe, |
| liina poolõ liikumma - |
| turuh ommaq õks kõik suurõq suhrosaiaq, |
|
9600 |
liinah tettöq lillelitseq, |
| säält osta õks ma suuri suhkrosaio, |
| liidä vällä lilleliidseq, |
| suqka lepü õks sääl saiol lilleliidsil, |
| sünnü kokko noil söögel!” |
|
9605 |
Mõtsa- saivaq õks sis -kolga kottallõ, |
| saivaq mõtsa saarõ mano. |
| Kaadsi õks sis Taadsilõ ütel´, |
| miiss ütel´ mito sõnna: |
| ”Ma lää võta õks tast mõtsast nopõ nuia, |
|
9610 |
võta kinä kepikese - |
| liina om õks sääl otsah vihhas´ pini, |
| kuri koir kur´al puul, |
| sis kakk õks su siidedse särgi, |
| ülikalle ündriku.” |
|
9615 |
Sis lätsiq õks nääq sammo, lätsiq tõõsõ, |
| kats-kolm kallutõlliq. |
| Kaadsi nakas´ õks sis nuial nuhklõmma, |
| kulla kepil koputamma: |
| ”N´ooq ommaq õks naaq liina lillisaiaq, |
|
9620 |
turu tugõvaq kostiq! |
| Siiä taha õks ma saataq samblõ ala, |
| nõstaq sinno nõklo sisse!” |
| Kaadsi tahtsõ õks ar otsane tappaq, |
| otsane uinutõlla - |
|
9625 |
õga lasõ-s õks imp Taadsil hellü tetäq, |
| vaesõkõsõl vaugõllaq. |
| Alekõnõ õks sis tull´ liina puult, |
| astõ suurõst alõvost. |
| Sis juusk´ õks tä Kaadsi kaala mano, |
|
9630 |
haard´ kinni nopõst nuiast, |
| sis võtt´ õks ar käest käokõsõ, |
| peost piiripardsikõsõ - |
| Ale sai õks sis kõvõp joodikõst, |
| piiretüse pehmütäjäst. |
|
9635 |
Oo õks tuud Kaadsit kavalat, |
| tugõvat Toomõ poiga - |
| sis nakas´ õks tä appe hõikmahe. |
| tiikäüjit kärisemmä: |
| ”Ale taht õks ar naist käest võttaq, |
|
9640 |
rõivaq puut´ õks ar mino provvakõsõl!” |
| Liina läts õks tä poolõ tänniteh, |
| turu poolõ torildõh. |
| Taadsi jäi õks sis maalõ ikmahe, |
| kummaldõ kuukmahe: |
|
9645 |
”Oo võe õks mul armas Alekõnõ, |
| virve viinatuujakõnõ - |
| mullõ tõidõ õks sa kos´aq edimätseq, |
| tõit viinaq viimätse! |
| Innep lännöq õks ma sullõ tuhat kõrd, |
|
9650 |
saanuq sullõ sada kõrd! |
| No olõq õks sa terveh, Alekõnõ, |
| terveh höste tegemäst: |
| minno võtit õks no käest, käokõsõ, |
| peost, piiripardsikõsõ!” |
|
9655 |
Taadsi läts õks sis suurõ silla pääle, |
| järve kaasõ kaalallõ. |
| Võtt´ õks tä miilde tuu meele, |
| and´ Tunt´ tuu süäme - |
| Tunt´ õks sis ütel´: ”Tulõq järve!”, |
|
9660 |
pakan ütel´: ”Panõq pääd! |
| Saasõ õks sul järveh hüä elo, |
| silla all sirgõ elo, |
| õga saa-i õks imp Kaadsi sinno kakkoq, |
| herräl minnäq hiussehe!” |
|
9665 |
Tunt´ õks sis tougas´ tugõvahe, |
| ai sisse silla päält, |
| Taadsi karas´ õks järve, ne kahahto, |
| läts vette, ne vipsahto. |
| Miä kasve õks küll sinnä asõmõllõ, |
|
9670 |
kulla provva kottallõ? |
| Sinnä õks sis kasve mõro lesnäk, |
| mürkhainaq haarduvaq. |
| Kui tull´ õks sis suvõl suur tuul, |
| lõivo suur lõhnakõnõ, |
|
9675 |
sinnä keereq õks kõik järve kihulasõq, |
| säüdiq sisse sämbläseq, |
| sis saa-s õks nääq tuulõla tougada, |
| saa-s vihmala visada. |
| Alekõnõ õks sis kai kavvõndõst, |
|
9680 |
vahtõ Taadsit vao takast. |
| Nii läts õks sis Alel halõhõst, |
| vaja haard´ õks sis vanna mõrs´at: |
| Ale läts õks sis otsane ullist, |
| jäi, tuvi, turakost. |
|
9685 |
Sis läts õks tä laandõ lambast, |
| läts mõtsa mõtussõst, |
| viird´mä nakas´ õks sis mõtsa viire piti, |
| uikma suurõh suu veereh. |
| Eiske õks tä tiiä-s, mis tä tekk´, |
|
9690 |
võta-s arvo Alekõnõ - |
| Ale tekk´ õks jo tükkä armõtuisi, |
| ulle tükkä oholiisi. |
| Sis sai õks kui liinalõ tiidäq, |
| timmä tundsõq turupoisiq, |
|
9695 |
kinga inne õks küll Ale koolih käve, |
| opõ kirjä kimmähe, |
| Alet püvviq õks sis kinni kimmähe, |
| piireq ümbre pedäjide, |
| sis õks ar ulli kinni võtiq, |
|
9700 |
saivaq tullu turakost. |
| Õga saa-s õks imp arvo Ale jutust, |
| olõ-s selge timä sõna - |
| suurõl läts õks tä süämehaigusõl, |
| kulla meelekurbusõl, |
|
9705 |
Ale läts õks küll ullist Taadsi peräst, |
| uma puhta pruudi peräst. |
| Ulli- timmä õks ar -majja viidigi, |
| võrrõ taadõ võõdõtigi, |
| sinnä õks küll jäi ausa Ale, |
|
9710 |
sirgõ seto poisikõnõ. |