|
165 |
Seto naka õks no poissi seletämmä, |
| Ale-veljä arotamma! |
| Kui oll´ õks tuu vell´o väikene, |
| maah mar´asuurukõnõ, |
| olli õks tä terräv kui terä, |
|
170 |
oll´ muudsa kui muna. |
| Ale õks sis imme helläkeist, |
| vell´o maamat, mar´akõist – |
| kui hoit´ õks tä Alet väikost, |
| kasvat´ üles kanasõst, |
|
175 |
kanna õks tä höste kasvatõlli, |
| üsäkirja ülendelli. |
| Ime õks kõõ kukut´ koolilatsõst, |
| hüpät´ paprõpainutajast. |
| Esi õks tä lausi meelestäni, |
|
180 |
uma meele poolõstani: |
| “Midä ajat õks sa nahalda jutto, |
| sõkut sõrmilda sõnno? |
| Vaesus õks meil lasõ-i kuule vallaq, |
| oht klasse kallutõlla!” |
|
185 |
Ime jälke õks sis ütel´: “Ts´uu-ts´uu!”, |
| maama lüülät´: “L´uu-l´uu! |
| Ts´uu õks mul, ts´uu ts´urakõist, |
| l´uu-l´uu latsõkõist, |
| ts´uu õks jal, ts´uu suurõbast, |
|
190 |
pisokõsõ pikebäst! |
| Kasuq õks jal mullõ kar´usõst, |
| vinnüq vitsavõtijast, |
| kitsõ õks kinnipandjast, |
| lamba lauta laskjast! |
|
195 |
Kulda saa-i õks su'st suka kudajat, |
| hõpõvitsa heitjat.” |
| Ime õks sis laul´, esi ütel´, |
| kurval meelel kul´tatõlli: |
| “Jummal tiid õks üts jumalakõnõ, |
|
200 |
Mari madalakõnõ, |
| küll om õks mul huul´ hoitõh, |
| om kaihho kasvatõh – |
| ese saadõq õks vaest jala pästjäst, |
| ime silmä tsuskajast. |
|
205 |
tuu saasõ õks vaest mullõ hoitmast, |
| saasõ kaalah kandmast?” |
| Ime jälke õks sis laul´ nal´alaula, |
| leinäsõnno leelotõlli: |
| “Ts´uu õks jal ts´uu, surma kirvõs, |
|
210 |
l´uu-l´uu, liiva lapjo, |
| surma mineq õks no kirvõs suurõbast, |
| liiva lapjo lahehepast!” |
| Esi õks jal pliksõ, pidi illo, |
| tougas´ turbasõnakõise: |
|
215 |
“Koolõq õks no, koolõq, kungi ts´ura, |
| jätäq mullõ nirdsu-närdsuq!” |
| Ese õks sis salli-s ime laula, |
| kulla koolusõnakõise – |
| ese õks sis rutto ar süändö, |
|
220 |
tätä viländ ar vihasto. |
| Esi olli õks tä vali vann'mahe, |
| käbehehe kärisemmä, |
| esi õks tä vannõ, esi ütel´, |
| kost´ sõna kur´al meelel: |
|
225 |
“Üts om õks mul poiga ütsäst, |
| kalamaimi katsast – |
| tuugi annat õks ar, kuri, sa koolulõ, |
| kalg´ ime kalmo saadat!” |
| Esi õks tä kobõ naase kossõ, |
|
230 |
vahalatvo vandsutõlli. |
| Naane õks sis ütel´: “Turak, tus´o, |
| rutto rummal meelekene! |
| Õga õks taa ull´ arvo saa-i, |
| õga turak nummõrd tunnõ-i: |
|
235 |
õga võta-i õks taa Kuul pakutot, |
| pakutot, ängätöt! |
| Õga õks joht Kuul siiä tulõ-i, |
| õga Katsk meele kallu-i – |
| meil ommaq õks kõik olidsõq ussõq, |
|
240 |
sainaq saviga paigadoq, |
| Kuul salli-i õks naid usse olitsit, |
| taha-i saino savitsit! |
| Om õks taa Koolul sääne hopõn, |
| virvel säläh sääne vikat: |
|
245 |
hopõn om õks täl valgõ kui lumi, |
| vikaht illos kui vesi. |
| Oo õks tuud kurja Koolukõist, |
| pääle kalgõ Kadsokõist! |
| Siiä tulõ õks kui toonihobõsil, |
|
250 |
liit liiva-verevil, |
| kui astus õks tä mi akna ala, |
| piirus peräpaja ala, |
| tooni õks sis hopõn turnaskõllõs, |
| kallis ratso kaabatõllõs, |
|
255 |
sälgä õks sis satas savinõ sain, |
| pääle oius olinõ uss, |
| sis pakõ õks ar Kuul pall´o maad, |
| Katsk lätt õks ar väega kavvõndõhõ. |
| Timä pakõ õks sis suurdõ suuho, |
|
260 |
lätt lakja laandõ, |
| sinnä õks tä hukkas hüä hobõsõ, |
| kalle ratso kaotõllõs, |
| timmä õks sis vikaht suuho vidä, |
| ravvariist rampõ ala.” |
|
265 |
Ale õks sis esse helläkeist, |
| timmä, tätät, tähekeist! |
| Ale olli õks küll ese aho pääl, |
| kuri tätä kumo pääl, |
| aavetsit õks tä kullõl´ aho pääl, |
|
270 |
kurjo sõnno kumo pääl, |
| esi toppõ õks tä piipo tubakot, |
| piibu piki pitsitelli. |
| Pääle õks tä süüt´ umma pääd, |
| umma kõtto kõhritsõlli. |
|
275 |
Kuri ütel´ õks sis sõna korgõst, |
| vihhas´ miis virussõlt, |
| as´ast nakas´ õks tä arvo saamahe, |
| pand´ juundõ naase jutu: |
| “No kuulõq õks, mu naane Nat´okõnõ, |
|
280 |
kabõhine Kat´okõnõ, |
| no annaq õks sa mullõ andest, |
| pallõ pall´o uskvast – |
| innestä õks ma pessi ilm-as´anda, |
| ullil tojol tossutõlli! |
|
285 |
Süä om ka õks küll kipõ kui kikas, |
| tojo turril tuulispää, |
| uh´aq olliq õks mul nõrka unõhtunuq, |
| olliq rippa ripsahunuq, |
| selle tei õks ma ilma-ilotohe, |
|
290 |
tei kogone kur´astõ. |
| Toona mullõ ka õks ütel´ üts miis, |
| kats-kolm kadsatõlliq: |
| “Õga taha-i õks ka susi ängätöt, |
| süü-i pall´o pakutut – |
|
295 |
susi õks ka suud ammutõlli, |
| repän kiilt keerätelli.” |
| Ese astõ õks sis maalõ aho päält, |
| kiird´ maalõ keresselt, |
| lahehehe õks sis tull´ lavva mano, |
|
300 |
tahehehe taari mano. |
| Sis seiväq õks jal üteh süüm-aigo, |
| peiväq perehvaat´kat. |
| Talo- jäi õks sis –poig tasatsõst, |
| jäi vaenõ vagatsõst, |
|
305 |
tasatsõhõ õks sis tekk´ talotüüd, |
| tekk´ vaenõ vagahuistõ. |
| Ale oll´ õks jal armas latsõkõnõ, |
| kallis imelä kasuno: |
| õga olõ-s õks tä kuri ikmahe, |
|
310 |
olõ-s kipõ kiusamma, |
| Ale oll´ õks küll hällüh hüä lats, |
| kabloh kallis kanakõnõ. |
| Ale kasve õks küll põhuh kui põrss, |
| olge seeh kui utepoig, |
|
315 |
sirgo õks tä üles kui siin, |
| puhmu all kui porovik. |
| Ime võtt´ õks küll üül üte voori, |
| vagatsõhe vaakmalda, |
| imel olõ-s õks joht käsi hällü küleh, |
|
320 |
sõrmõq kaplo kaalal. |