Nahapesja Kadõ ja Jüri-Aado Liis olnuva Kiidjärve mõtsan marjo otsman. Metsapiiga tullu Nahapesja Kadõ mano ja ütelnu : "Anna mulle marju!" - "Kes sina siss olet, et sina esi ei või marju korjata?" - "Korja, korja, aga anna mulle kah! Kui sa mulle annad, saad alati korjata. Mina ole metsapiiga ja minul om pal'lu latsi. Ku te minule ei anna, ma ei lase teid üts mari siit enam korjata." Ja Nahapesja Kadõ annu metsapiigale hulka marju, üts kolm toopi: "No söö kah siss marju!" - "Mina ole vaim, ega mina ei söö midagi, mina vii latsile." - "Kus ne' latse omma siss?" - "Latse' omma, kus na' omma keaki." Mõtsapiiga olnu nigu inemine - valgõ rõividega, sinine ja punane hõlst üle visatu, paljaste jalguga. Too Jüri-Aado Liis ka valanu talle hõlsti nuka pääle marjo.
Tõsel pääval lännuva Kiuma mõisa poole mõtsa. Jälle mõtsapiiga tullu, aga ütelnu: "Teil om vähe esiki, ma täna ei võtagi teilt." Ja lännü är'.
ERA II 63, 108/9 (299) < Põlva khk., Karilatsi v., Karilatsi k. - Richard Viidebaum < Ann Pilberg, s. 1858 (1933).