Карксонь мазылгавкcт
Карксонть ланга, каркс петненень содыльть мазылгавкст.



Эрзянь эйкакшт: налксить пулокаркс марто. Куйбышевань область, Клявлинань район, Сыре Сосна (Ташто Сосна, Сыре Пичень) веле. Сарв X. 1983.


Эрзянь эйкакшт: налксить пулокаркс марто. Куйбышевань область, Клявлинань район, Сыре Сосна (Ташто Сосна, Сыре Пичень) веле. Сарв X. 1983.


Эрзянь аватнень оршамост мазылгавтызе удало паця, конань лемезэ пулагай, пулакш, пулай, лиясто мерильть пулокаркс (пуло марто каркс), цёкокаркс (цёко марто каркс). Пулайтнень кандтлесть мирденень лисезь аватне. Одирьвань саема ритуалонть коряс, церьковав молемадо икеле, тейтерь-авась карксылизе пулаенть. Од тейтертненьгак ульнесь удало пацяст, конань сынь кармильть кандтлеме снярдо сыль мирденень туема шкаст (Клебанд 1986: 51).

Удало пацятне явовить кавтов: веенцтнэ теезельть трапециянь кондямо коцт-панкссто, конань лангозо викшнезель суресэ, плёскасо, плаштясо, човалясо, эйзэнзэ поводезельть цёкот, алга певанзо ютасть пулосуреть. Истямо удало пацянтень мерсть пулагай.



Школань музейсэ Эрзянь Охонькинань велесэ. Текстилень экспонатт: икельга паця, пулокаркс, каркст. Татария, Черемшанонь район, Эрзянь Охонькина веле. Сарв X. 1983. (Fk 2028: 5)


Омбонцтнэ мазылгавтозельть карксамганть. Карксамось келеель, кавто пензэ сатытсть бокатненень. Сон ульнесь алгакс марто, лангозо мазылгавтозь, алце пестэнзэ нолдазельть раужо понань сурестэ пуворязь понасуреть. Истямо пулокаркстнэнень мерсть пулакш, сонзэ кандтлизь тейтертне, седе од аватне панарост ланга покш чистэ.



Эрзянь удало паця пулосуре марто - пулакш. (B 6 : 1; MF e 2855)


Мокшонь аватне истят удало пацят эзть кандтле. Сынь карксыльть перькаст руцят, эрзякс пацят, - кеска руцят, конань эйстэ вейсэ эрсисть кавто, ниле, котояк. Сынь парсте кемекстазельть каркссо, эйсэст вельтявсть аванть пукшонзо.


Мокшонь одирьва: панар, удало пацят кеска руця т, кувака каркс петь, келей каркс кушак, икелень прявельтявкс. Пензань губерния, Краснослободсконь волость (неень шкане Мордовия, Темниковонь ды Краснослободсконь районт). Комплектэсь рамазель Ф. Труутсонь микшнема таркасто Тартусо 1920 и.


Эрсисть руцяткак, конань кандтлесть кавто ёнга нолдазь.

Удало пацятнень, руцятнень эйстэ башка эрсисть лия карксамонь мазылгавкст. Мокшонь аватне оршамост ланга сюлмильть ялавт, каркст, конатне теезельть а вейкетьстэ, леместкак ульнесть а вейкеть.

Кувака каркс петнень, конат нолдазельть кавто ёнга, мазылгавтылизь пижень повсо, човалясо, эрьгесэ, кумбрясо, цёкосо.



Кувака каркс петь каркспитф, нурькине каркс петь сёконят. Мордовия, Ковылкинань район, Мокшонь Авгур веле. Карм Ю. 1985. (Fk 2131: 36)



Нурькине каркс петнень, сёконятнень, свал поводилизь кувакатнень удалов; кувакатне нолдазельть бокатнень кувалт.

Нурькине каркс петненень лиякс мерсть кели каркс.