ЛУГАВА, м., э. – лугать Оцюняц, ваныец. Л. ули мирдец – Лугатя. Л. тиендсть озондома ила, печкондсть жувата, мзярда тунда васенцеда жувататнень панелезь стадав. Кадомок алашатнень лугать лангс, эняльдельхть Л., штоба сон ванфтолезень синь сярядемада, саламада. Тише лядемда инголе эрь лядись Л. лемс ёрдаль мзяровок кши пакш и эняльдсь Л. улемс цебярькс ломаттненди, ванфтомс лядемань ёткть кальдявда. Кда лядемда инголе афольхть ётафта озондома ила или кда пральхть лугать лангс, азольхть сюдомат, Л. лемс пидельхть пачат, кандольхть лугать лангс кши, сал и веть анальхть Л. эзда прощения, эняльдсть максомс шумбраши. Сёрматф Пензенскяй губерниянь Краснослободскяй уездонь преданиять коряс, стирсь, шачфтомок цёра, кадсы сонь касфтомс Л. и сон сяльде арай теенза лездыкс.

Лит.: Harva U. Die religiosen Vorstellungen der Mordwinen. Helsinki, 1952.