MEELESPIDAJA JA UNUSTAJA

Vanast olli üte kerikuelaja (papi) ligidal üts rikas ja jõukas talopoig elämän, kes omma hingekarjust kõigipidi pilkama tükke1, osalt ka tävve2 õigusega, sest et vaimulik mees liig ilmalikka karotükka tegi, mis ega3 ristiinemise kotale4 häbistav om. Ent tõine kui kunagi5 suuremb es või seda ärä kannahtada ja ta naas6 oma ametivõimusega rahurikjat talopoiga, piirimiist7 noomima. Ent talupoja süä8 sai selle üle liiga täüs ja ta ütel hulga kuuljide9 man10: "Sa ei ole kõige oma vaimuliku ameti ja eluga targemb kui mu kirriv11 hobene!"
Preestri süä sai selle üle enämb kui täüs ja ta kaibas kohtohe12, et rummal talopoig teda nii alatohe13 om sõimanu. Kohus kuts14 talopoja kõige kuuljide ja tunnistajidega ette nink ta pidi omast sõimamisest arvu15 andma.
Kohus küsse16: "Kas sa olet oma preestrit rumalambas tennü kui omma kirivat hobest?"
"Ei, ma ei ole seda mitte tennü, enge17 temä esi. Ja kui aulik kohus ja preestri esi ka seda teeda tahtva vai sooviva, sis ole ka valmis kõnelema."
Kohus ütel: "Muidogi piat sa asi selges tegemä, ega sa jo enne vallalegi ei hargne18."
Talopoig ütel: "Ma olli mineval aastal hainal ja naksi19 hainaruke20 vidama, nimelt üle Voova laja21 niidü, kon22 üts kotus23 nii mädä olli, et mu kirriv hobene sinnä kõtuni sisse jäi, kost ma teda suure vaivaga vällä sai. Ent kui ma timahaava24 jällegi säält hainaruaga üle minnä tahtse, es lää mu kirriv hopen üle, kas tapa vai ärä. Täl olli vist mineva-aastane külm sann25 meelen. See mu kiriva märä tarkus. Ent preestril olli mineval aastal oma taretütrikuga26 lats, ja - timahaava kah. Kas see om ka tema tarkus?"
Kohtu küsümistel, mõistmisel ots, preestri suu paigatu27, mees prii.

SÕNASELETUSED

1 tükkis;
2 täie;
3 iga;
4 kohta;
5 ikkagi;
6 hakkas;
7 naabrit;
8 süda: 9 kuuljate;
10 juures;
11 kirju;
12 kohtusse;
13 alatult;
14 kutsus;
15 aru;
16 küsis;
17 vaid;
18 lahtigi ei pääse;
19 hakkasin;
20 heinasaade;
21 laia;
22 kus;
23 koht;
24 tänavu;
25 saun;
26 toatüdrukuga;
27 paigatud, kinni

INDEX

H I 10, 253/4 (3) Setu, Panikovitsa v. - Jaan Sandra < Leimanni Kundra, 63 a. v. (1896). AaTh 1621* (Hobune targem kui preester) - 12 t. Tuntud Kagu-Eestis.