Kahr1 küsse2 ütskõrd rebäse käest: "Vatõr3, näütä mullõ, kuis karüsõ4 pilli tegevä, mul um kah himmu pilli puhku." Rebäne kuts tedä hindäga üten ja vei ütte paika, kon5 puid oll lahut6. Sääl oll üts suur tammõpakk, midä lahki oli tahet aia, a es olõ lännü, ja oll vagä7 vahel.
Rebäne ütel kahrulõ: "Tsuska8 siiä kiil vahelõ."
Kahr tsusas kah, a rebäne tõmmas vaja paku vahelt ärr ja kahr jäi kiilt müüdä paku vahele ja nakas hirmsahe tänni9. Rebane nakas ümbre kahru tandsma ja ütel: "Vatõr, vatõr! Kas sa jo pilli puhut?" Külärahvas tulli tuu helü10 pääle kokku ja tapi kahru ärr, a rebäne läts mõtsa.
1 karu
2 küsis
3 vader
4 karjased
5 kus
6 lõhutud
7 kiil
8 torka
9 hakkas hirmsasti tänitama (karjuma)
10 kisa
H II 45, 216 (4) Rõuge, Sänna v. - M. Jennes (1891). - AaTh 38 (Käpp puulõhes) - 7 t. Peamiselt Lõuna-Eestist.
Esineb iseseisvalt, aga ka liitununa teiste loomamuinasjuttudega (mt. 158+8+1+2+38; 33+38+Andrejev *154 I).
On ühiseid kokkupuutepunkte mt-ga 151 ja 1159.